Пәнаралық «Ашық жүйелер эволюциясындағы мәселелер» журналы (АЖЭМ) 2012 жылы негізі қаланған. Басылым Әл-Фараби атындағы Қазақ ұлттық университеті тарапынан жарыққа шығарылады.
АЖЭМ журналы – ашық қолжетімді, рецензияланатын ғылыми журнал болып табылады, ол ашық, тепе-тең емес динамикалық табиғи жүйелердің пайда болуы мен эволюциясы мәселелері бойынша ғылыми зерттеулер нәтижелерін жариялауға арналған. Журнал ғылыми қауымдастық үшін ақпарат алмасу алаңы ретінде қызмет етеді, эволюциялық үдерістерді зерттеу саласындағы білімді дамытуға ықпал ететін инновациялық теориялық, есептеу және эксперименттік жұмыстарды жариялауға мүмкіндік береді. Журнал жылына екі рет жарық көреді.
Пәнаралық «Ашық жүйелер эволюциясындағы мәселелер» (АЖЭМ) журналы ғылымның барлық салаларында – физикада, химияда, биологияда, космологияда, геофизикада, медицинада, экологияда, экономикада, әлеуметтануда және тұтастай алғанда философияда зерттелетін ірі жүйелердегі құрылым түзілуі мен эволюциясының жалпы заңдылықтарын терең түсінуге ықпал ететін ғылыми жаңалығы бар мақалалар мен еңбектерді жариялайды.
Негізгі көрсеткіштер:
• Алғашқы сараптамалық тексеру: шамамен 4 апта
• Рецензиялау саясаты: екіжақты соқыр рецензиялау
• Рецензиялаудың орташа ұзақтығы: 8-14 апта
• Қабылдау деңгейі: 85%
Индекстеу және аннотациялау:
• ROAD;
• Қазақстан Республикасы Ғылым және жоғары білім министрлігінің Ғылым және жоғары білім сапасын қамтамасыз ету комитеті.
Ғылыми зерттеу бағыты
АЖЭМ журналы теориялық және қолданбалы физика, химия, биология, космология, геофизика, әлеуметтану, медицина, экономика және тұтастай алғанда философия салаларын қамтитын кең ауқымды тақырыптарды қамтиды, сонымен қатар бұл тізім шектеулі емес.
Журналдың негізгі тақырыптық бағыттары:
✔ Ғылымның барлық салаларында зерттелетін ірі жүйелердегі құрылым түзілуі мен эволюциясының жалпы заңдылықтары;
✔ Биологиялық және абиотикалық ортада, сондай-ақ қоғамдарда өзара әрекеттесу механизмдерін зерттеу;
✔ Ашық тепе-тең емес динамикалық жүйелерді зерттеудің әдіснамалық тәсілдері;
✔ Өзара әрекеттесетін жүйелер динамикасының заңдылықтары;
✔ Жүйелер эволюциясын зерттеудің сызықтық емес әдістері;
✔ Кез келген иерархиялық жүйелердің қалыптасуы мен олардың эволюциялық дамуына тепе-тең емес күйдің және синергетикалық әсерлердің рөлі;
✔ Ашық тепе-тең емес динамикалық жүйелерді зерттеудің қолданбалы аспектілері.
Неліктен АЖЭМЖ-да жариялау маңызды?
- Халықаралық редакциялық кеңес – әртүрлі елдердің сарапшылары әртүрлі және жоғары сапалы рецензиялауды қамтамасыз етеді.
- Қатаң рецензиялау процесі – ең кемі екі тәуелсіз рецензентпен екі жақты соқыр рецензиялау (double-blind) жүйесі қолданылады.
- Ашық қолжетімділік моделі – платиналық ашық қолжетімділік (жариялау ақысыз), бұл барлық мазмұнды әлемдік ғылыми қауымдастық үшін еркін қолжетімді етеді.
- Сандық архивтеу – жарияланған барлық материалдардың ұзақ мерзімді сақталуы сенімді сандық репозиторийлерде қамтамасыз етіледі.
- Бірегей, ғылыми жаңалыққа негізделген материал – жарияланатын материалдардың жаңашылығы тексеріледі және жарияланымдарда табиғи эволюциялық жүйелер мен үдерістерді пәнаралық зерттеу тәсілі қарастырылады, бұл журналды басқа ұқсас басылымдардан ерекшелендіреді.
